Vishay Casnewydd

Ffynhonnell ddibynadwy a diogel o sglodion uwch

Vishay Casnewydd - sicrhau swyddi a buddsoddiad newydd yn y Ffab

Vishay Casnewydd yw cyfleuster gweithgynhyrchu lled-ddargludyddion mwyaf y DU. Fel rhan o’r clwstwr lled-ddargludyddion cyfansawdd blaenllaw, rydym yn cefnogi swyddi medrus, sy’n talu’n dda, gan weithio’n agos â’r gymuned leol.
Bydd Cymru’n elwa ar fuddsoddiad £250m sydd wedi ei gynllunio, a hynny oherwydd ein partneriaeth â llywodraethau lleol, llywodraeth Cymru a llywodraeth y DU. Rydym yn creu ffynhonnell sglodion uwch ddiogel a dibynadwy, gan sicrhau sefydlogrwydd cadwyni cyflenwi i bweru diwydiannau’r DU a rhai rhyngwladol.
Mae Vishay Casnewydd ymhlith un o’r ychydig orsafoedd lled-ddargludyddion sydd â’r potensial i ehangu a dod â thechnolegau newydd i’r farchnad, yn benodol trosi pŵer lled-ddargludyddion cyfansawdd (technoleg sy’n fwy effeithlon na lled-ddargludyddion sy’n seiliedig ar silicon).
O led-ddargludyddion cudd i gydrannau goddefol; y deuod foltedd isaf i’r cynhwysor ynni uchaf, ystod gynnyrch Vishay yw’r sylfaen a ddaw â thechnoleg yn fyw. DNA technoleg ®. Dyna rydym ni’n ei alw.
darllen mwy

Dim Sero Net heb Led-ddargludyddion Cyfansawdd
Yn Vishay Casnewydd, rydym yn datblygu llinellau cynhyrchu lled-ddargludyddion cyfansawdd uwch. Gyda pherfformiad llawer gwell, mae gan y sglodion hyn lwyth o gymwysiadau ar draws diwydiannau:

  • Cerbydau trydan: Yn galluogi gyrru am bellteroedd hirach a gwefru cerbydau trydan yn gynt.
  • Canolfannau data: Wrth uwchraddio canolfannau data’r byd i led-ddargludyddion cyfansawdd, mae colled ynni yn lleihau 30 i 40%.
  • Tyrbinau gwynt a phŵer solar: Yn arwain cenhedlaeth nesaf tyrbinau gwynt, gan gyflenwi proses gynhyrchu pŵer fwy effeithlon ac yn cefnogi datgarboneiddio grid.
  • Amrywiaeth eang o gymwysiadau awyrofod, amddiffyn, gofod a diwydiannol, o Ddyfais Crwydro Planed Mawrth yr NASA i afioneg sy’n cadw ein cynghreiriaid yn ddiogel.

Mae mwy na 95% o’r dechnoleg sy’n cael ei datblygu yn y clwstwr lled-ddargludyddion cyfansawdd yng Nghymru yn cael ei allforio i bob cwr o’r byd.

Wedi Ymrwymo i Gasnewydd

Cydnabyddir bod De Cymru yn hwb byd-eang ar gyfer datblygu technolegau newydd a all ategu diwydiannau sydd ar flaen y gad. Ni all yr un rhanbarth arall drwy’r byd gynnig yr un gallu â Chasnewydd o ran cynhyrchu lled-ddargludyddion cyfansawdd.

Swyddi Hynod Fedrus

Bydd ein buddsoddiad yn cefnogi mwy na 500 o swyddi medrus sy’n talu cyflog uwch na’r cyfartaledd, yn ogystal â channoedd yn rhagor yn y gadwyn gyflenwi ehangach.
Rydym yn buddsoddi yn nyfodol Casnewydd a de Cymru. Mae ein harloesedd yn cael ei sbarduno drwy ein partneriaethau gydag ymchwilwyr yng Nghaerdydd, Abertawe, PDC a Phrifysgol Warwick a chyda CSconnected, sef clwstwr o gwmnïau yn ne Cymru sy’n sicrhau’r genhedlaeth nesaf o led-ddargludyddion. Rydym yn cefnogi myfyrwyr PhD ac mae rhai o’r graddedigion hynny bellach yn gweithio yn y Cyfleuster. Rydym hefyd yn cefnogi myfyrwyr ysgolion cynradd a’r rhai sy’n gwneud prentisiaethau, yn ogystal â staff sy’n astudio gradd mewn peirianneg, hyd at radd meistr.

Partneriaid Cymunedol

Fel y cyfleuster mwyaf yn y DU sy’n gweithgynhyrchu lled-ddargludyddion, rydym yn agor drysau’r Cyfleuster ac yn gweithio gydag ymchwilwyr a gwyddonwyr yn y clwstwr lleol i’w cefnogi nhw i brofi technolegau newydd a chynorthwyo i’w cyflwyno i’r farchnad.

Yn arbennig, rydym yn falch o’n peirianwyr benywaidd sydd wedi ennill gwobrau, ac sydd wedi cael eu cydnabod am eu sgiliau a’u harloesedd. Mae ein rhaglen allgymorth arobryn gydag ysgolion lleol, mewn partneriaeth â Chlwb Rygbi’r Dreigiau, yn ysbrydoli cenhedlaeth y dyfodol – ac yn bwysig, genethod a merched ifanc – i ddilyn gyrfaoedd yn y sector STEM.

Rydym yn gweithio’n agos gyda chwmnïau a phartneriaid lleol, gan gynnwys drwy CSconnected, y clwstwr lled-ddargludyddion cyfansawdd blaenllaw yn ne Cymru. Mae tystiolaeth o wledydd eraill yn dangos bod pob swydd sy’n cael ei chreu yn y diwydiant lled-ddargludyddion yn creu bron i chwe swydd arall mewn cadwyni cyflenwi a diwydiannau cysylltiedig.

Ein Gwerthoedd

Ar ôl goroesi erledigaeth yn ddyn ifanc, sefydlodd Dr. Felix Zandman Vishay gyda diben: “Peidiwch â chymryd mantais o bobl eraill. Yr hyn sy’n bwysig yw sut yr ydych chi’n trin y person nesaf—cofiwch fod y rhod yn troi. Byddwch yn deg a byddwch yn gymwynasgar.” Rydym yn ymdrechu i roi’r gwerthoedd hyn ar waith – uniondeb, natur agored a chymryd cyfrifoldeb am bopeth a wnawn.

Cyfrifoldeb Cymdeithasol ac Amgylcheddol

Mae Vishay wedi ymrwymo i fod yn gymydog da yng Nghasnewydd ac i weithio’n agos gyda chymunedau i sicrhau ein bod ni’n gweithredu mewn ffordd sy’n gynaliadwy, yn foesegol ac yn gyfrifol yn gymdeithasol. Wrth wraidd popeth a wnawn, rydym eisiau gwarchod yr amgylchedd a sicrhau iechyd a diogelwch ein gweithwyr, ein cwsmeriaid, ein hymwelwyr a’r cymunedau cyfagos.

Support

“Rydym yn croesawu’r cyhoeddiad bod Vishay yn buddsoddi yn y clwstwr lled-ddargludyddion ffyniannus yng Nghasnewydd. Dyma enghraifft wych o gryfder economaidd Cymru gyda chyrhaeddiad byd-eang gwirioneddol yn denu buddsoddiad byd-eang sylweddol. “Mae disgwyl i’r galw byd-eang am led-ddargludyddion fyrlymu yn y blynyddoedd nesaf ac mae Casnewydd mewn sefyllfa berffaith i drosi’r twf hwnnw’n yrfaoedd hirdymor, o ansawdd. Dyma sy’n lle gwych, uchelgeisiol i fuddsoddi ynddo, a hynny oherwydd y gweithlu ymrwymedig, medrus sydd eisoes gan Gymru, gydag ymrwymiad cadarn gan bartneriaid academaidd, busnes, lleol a phartneriaid Llywodraeth Cymru.”
Vaughan Gething ASCyn Brif Weinidog Cymru (Llafur)
“Mae hyn yn newyddion da iawn i weithwyr medrus ac ymroddedig yr hen NWF. Mae’r parhad y daw’r fargen hon yn hynod ysgogol i economi Casnewydd, y Rhanbarth ehangach a’r DU gyfan, yn enwedig o ystyried pwysigrwydd cynyddol lled-ddargludyddion yn fyd-eang. Mae Casnewydd yn falch o fod yn gartref i Glwstwr Lled-ddargludyddion Cyfansawdd cyntaf y byd ac mae Prifddinas-ranbarth Caerdydd wedi buddsoddi pentwr i’r sector hwn. Rydym yn edrych ymlaen at sefydlu cysylltiadau agos â’r tîm Vishay.”
Y Cynghorydd Jane MuddComisiynydd yr Heddlu a Throsedd Gwent a Chyn-arweinydd Cyngor Dinas Casnewydd (Llafur)
“Mae penderfyniad Vishay i fuddsoddi yn Newport Wafer Fab yn cael croeso mawr ac mae’n arddangos hyder mawr yn y cwmni gwych hwn yn ogystal â’r Rhanbarth. Newport Wafer Fab yw’r cwmni gweithgynhyrchu lled-ddargludyddion mwyaf yn y DU yn barod ac rydym yn falch o weld y bydd Vishay yn buddsoddi hyd yn oed yn rhagor mewn cyfleusterau ac arbenigedd. Mae ôl-troed byd-eang y byd gweithgynhyrchu lled-ddargludyddion yn ehangu ac mae’n hanfodol bod de ddwyrain Cymru yn cadw ei le ar y rheng flaen.”
Y Cynghorydd Anthony HuntArweinydd Cyngor Bwrdeistref Sirol Torfaen a Chyn-gadeirydd Cabinet Prifddinas-ranbarth Caerdydd (Llafur)
“Newyddion da iawn ac ni ellir tanbrisio ei werth i’r staff ymroddedig a phrofiadol ac i Gasnewydd a Chymru yn fwy cyffredinol.”
Jayne Bryant ASAelod o’r Senedd dros Orllewin Casnewydd (Llafur)
“Fel un o drigolion Casnewydd, mae caffaeliad Vishay yn helpu’r safle Wafer Fab oroesi yn ogystal â llewyrchu ar blatfform lleol, cenedlaethol a rhyngwladol.”
Natasha Asghar ASAelod dros ddwyrain de Cymru (Ceidwadwyr)
“Mae’r swyddi hynod fedrus, sy’n talu’n dda hyn yn hanfodol i’r economi leol ynghyd â’r economi genedlaethol.”
Peredur Owen Griffiths ASAelod dros ddwyrain de Cymru (Plaid Cymru)
“Dyma’r union fath o fuddsoddiad a fydd yn ein helpu ni i dyfu’r economi, creu swyddi hynod fedrus a hybu cyfleoedd i bobl ar draws y wlad.”
Y Gwir Anrhydeddus Rachel Reeves ASCanghellor y Trysorlys (Llafur)
“Mae’r buddsoddiad sylweddol hwn gan Vishay a Llywodraeth y DU yn hwb aruthrol i ddiwydiant lled-ddargludyddion blaenllaw Cymru.”
Y Gwir Anrhydeddus Jo Stevens ASYsgrifennydd Gwladol Cymru (Llafur)
Diolch o galon i’r tîm yn Vishay Casnewydd. Mae cynnig swyddi medrus yn yr ardal yn hollbwysig ac mae’r ffordd y mae’r cwmni’n ysbrydoli’r genhedlaeth nesaf i ddatblygu gyrfa yn y maes hwn yn rhagorol. Rydym yn falch o fod yn gweithio mewn partneriaeth i sicrhau bod pobl Casnewydd yn elwa, a bod pobl leol yn chwarae rhan allweddol yn ei lwyddiant a’i ddatblygiad.
Y Cynghorydd Dimitri BatrouniArweinydd Cyngor Dinas Casnewydd (Llafur)
Previous
Next

Ynglŷn â Vishay
Mae Vishay yn gweithgynhyrchu un o bortffolios mwyaf y byd o ran lled-ddargludyddion arwahanol a chydrannau electronig goddefol sy’n hanfodol i ddyluniadau arloesol mewn marchnadoedd modurol, diwydiannol, cyfrifiadurol, defnyddwyr, telathrebu, milwrol, awyrofodol a meddygol. Gan wasanaethu cwsmeriaid ledled y byd, mae Vishay yn gyfystyr â DNA technoleg (DNA of tech®). Mae Vishay Intertechnology, Inc. yn Gwmni Fortune 1,000 a restrir ar Farchnad Stoc Efrog Newydd (VSH). Ceir rhagor o wybodaeth am Vishay ar www.Vishay.com.

Cysylltu â Ni

©2023     Polisi preifatrwydd