Buddsoddi mewn Swyddi, Sgiliau ac Arloesi

Bydd ein buddsoddiad arfaethedig o £250 miliwn, a ategir trwy gyfrwng partneriaeth gyda Llywodraeth y DU, Llywodraeth Cymru ac awdurdodau lleol, yn sicrhau safle cwbl ganolog i Gasnewydd yn sector lled-ddargludyddion a gweithgynhyrchu uwch y DU.

Fel un o’r ychydig safleoedd gweithgynhyrchu lled-ddargludyddion yn y DU, gyda’r gallu i ehangu a chyflwyno technolegau newydd, yn cynnwys trosi pŵer lled-ddargludyddion cyfansawdd uwch, mae Vishay Casnewydd mewn sefyllfa unigryw i ddarparu’r genhedlaeth nesaf o sglodion effeithlon, uchel eu perfformiad.

Creu Cyfleoedd ar Bob Lefel

Rydym wedi ymrwymo i ddatblygu doniau lleol ac adeiladu llwybrau gyrfa hirdymor.

Gweithiwn yn agos gyda phrifysgolion lleol, gan gynorthwyo peirianwyr graddedig ac ymchwilwyr PhD, ac mae nifer ohonynt yn gweithio bellach yn ein safle gweithgynhyrchu.

Hefyd, rydym yn buddsoddi yn y canlynol:

• Prentisiaethau ar draws disgyblaethau peirianneg a gweithgynhyrchu
• Gweithwyr sy’n dilyn cyrsiau gradd mewn peirianneg hyd at lefel Gradd Meistr
• Rhaglenni ymgysylltu ag ysgolion cynradd er mwyn ysbrydoli doniau STEM y dyfodol

Mae’r dull hwn yn sicrhau y gall pobl ifanc yng Nghasnewydd, a ledled De Cymru, gael gafael ar gyfleoedd gyrfa o’r radd flaenaf mewn technoleg a gweithgynhyrchu uwch.

Gweithio yn Vishay

I gael rhagor o wybodaeth am gyfleoedd sydd ar gael yn Vishay Casnewydd ar hyn o bryd, cymerwch gipolwg ar ein tudalen ‘gyrfaoedd’ yma.